Рухани құндылықтарды , Отанға деген сүйіспеншілікті, азаматтық және әскери борышқа адал болуға  тәрбиелеу мақсатында Ұлы Жеңістің 78 жылдығы қарсаңында Шыңғырлау аудандық орталық кітапханасының ұйымдастырумен "Ұранды елдің қайсар ұрпағы" атты ерлік сағаты 1941-1945 жж.  Ұлы Отан соғысы жылдарында қаза тапқан батыр-жерлестерді еске алу мемориалында Л.Қылышев атындағы ЖОББ мектеп жанындағы интернатының тәрбиеленушілердің (тәрбиешісі  Ж.М.Арыстанова) қатысуымен өткізілді .

1941 жылы 22 маусымда фашистік Германия әскерлері Кеңес Одағына басып кірді. Гитлерліктер КСРО-ға қарсы соғысты Атлантикадан Сібірге дейінгі "Германдық территориялық-этникалық монолитті" құру жолындағы шешуші кезең ретінде қарастырды. Қазақстан Ұлы Отан соғысына біртұтас елдің бір бөлігі ретінде қатысты. Қазақстандықтар соғыстың алғашқы минуттарында батыс шекарада және Берлиндегі Рейхстаг ғимаратына шабуыл жасағандардың арасында  да болды. Тек біздің Оралдан майданға 76.635 адам кетті,  олардың әрқайсысы үйге оралмады, біздің болашағымыз үшін, отанымыз үшін қаза тапты. Ұлы Отан соғысында жасаған ерліктері үшін 11.600-ден астам сарбаздар мен офицерлерге, оның ішінде 497 қазақстандыққа Кеңес Одағының Батыры атағы берілді. Осы батырлардың қатарында біздің жерлестеріміз Кеңес Одағының Батырлары Сүндетқали  Ескалиев, Георгий Шевцов, Андрей Тихоненко және үш дәрежелі Даңқ ордендерінің иегері Бисенғали Мұхамбетовте бар.

Біздің ауданымызда батырлардың есімдерін сақтау және еске алу үшін көшелер, мектептер аталып, ескерткіштер орнатылды.